Pälzer Flääschknepp mid Meerreddichsooß

Zubereitung

• 1.Wir hatten schon so viele Dialekt-Rezepte hier... da dacht ich bei einem Pfälzer Traditionsgericht bietet sich das doch an. Ich schreibe vorsichtshalber aber noch eine kleine Übersetzung darunter *lach*

  2.Alsoooo... als erschdes dun er mol die Brödsche in klänne Würfel schneide unn in dere Millich odder im Wasser eiwääche. Denooch awwer widder gut ausdrigge, schunschd wärds nix. Des G'hackde duner in ä Schissl unn dodezu duner dann ach noch des ausgedriggde Brod. Als negschdes wärd die Zwiwwel g'hackd un wenner wänn ach Knowwloch.... awwer des muss ned sei - allo wer ned schding'ge will, der lossdn weg. So ääfach is des.

  3.Denooch duner die Eier zum Hackflääsh unn ach die Zwiwwel unn filleichd ach de Knowwloch. Peterle hagge und dezu. Un jetzt gäbts Muggis: des ganze Zeich muss mer jetzerd nämlich kneede bis än schääne Dääg draus worre is. Schdellen näwebei schunemol die Briieh druff, dasses dann nid sooo lang dauerd bis was uff de Disch kummd. Aus dem Dääg duh mer jetzterd Kneedel rolle... Die Grees kenner selwer bschdimme... awwer ich mach se immer so groß dasse schää in e Hand nei bassn (awwer bedeng'gen debei dass ich ä klännes mädel bin un kä riesiche Händ hab, gell?)

  4.Wenn die Fläschbrieh hääs is duner die Knepp nei leche. Ä mol uffkoche unn dann schäää zieche losse... und nimmi koche, schunschd wärds än Brei und kä Knepp mäner. Des dauerd dann so uugfehr zwanzich odder fünfezwanzich Minudde.

  5.D' Sooß is nid schwer. Die Budder muss in de Topp.... Ei'gschalde und verlaafe losse. Des Mähl dezu un kräftig umgeriehrd. Millich un die Fläschbrieh (die solld wenns gehd hääß sei) dezuriehre und soooo lang durchenanner riehre, bis kää Klumbe mä drin sinn. Meerreddich nei unn gugge obs schaaf genuch is. Wenns zu schaaf is ä bissl Sahne dezu, wenns zu läppsch is noch ä bissl Reddich neigäwwe. Knedel ausm Wasser hole und schmegge losse. Mer machen immer Gebredelde, Saure Gurge unn Rodi Beed dezu.

  6....

  7.Kurze Übersetzung: Brötchen würfeln und in etwas Milch oder Wasser einweichen. Dann gut ausdrücken und zusammen mit dem Hackfleihsc in eine Schüssel geben. Ei, Peterslile, gehackte Zwiebel und bei Belieben gehackten Knobi zugeben. Knödel formen und in siedender Fleischbrühe gar ziehen lassen (ca. 20-25 Minuten). Für die Soße eine Mehlschwitze erstellen, Mit Brühe und Milch ablöschen. Mit Meerrettich würzen - ggf mehr zugeben oder mit Sahne abmildern. Dazu passen Bratkartoffel, Essiggurken und Rote Beete.

  8.Bilder hawwich eich hochgelaade - Bilder sind dabei.

• Rezept melden

  Rezept bewerten

  Rezept von n****k
  vom 26.06.2009

  
• Weiterlesen